خالد سعيد مماتش

 

خالد سعيد
الشهيد خالد سعيد

أيوة خالد سعيد ممتش خالد سعيد بقى اسم جيل بحاله جيل الثورة جيل خالد سعيد جيل هايفضل خالد بإنتفاضته ضد الظلم وهايعيش سعيد لانه قام بدور حقيقي ومكنش جيل مهمش ولا جيل تافه ولا جيل بايظ وملوش هدف.

عايشونا سنين في غيبوبه من وقت ما فتحنا عنينا على الدنيا كنا يدوب بناكل ونشرب ونتعلم شوية كلام في كتب يدوب تخلص السنه يتمحي . أهلينا صرفوا علينا دم قلبهم من إبتدائي لإعدادي لثانوية … وما أداراك ما الثانوي والثانوية العامية ايوه هي عامية بتطلع منها معمي واهلك مفلسين وفي الاخر لو مكنتش عبقري ييبقى اخرك تجاره انجليزي ب 95 في الميه

تقول الحمد لله خلصنا هاندخل بقى جامعه ونترحم … تترحم انت اتجننت مش في حاجه اسمها دكاتره لو دكتور بيتقى الله يدوب هايجبرك تشتري كتابه الي هو ب 100 جنيه على الاققل ده لو مأجبركش انك تاخد كورس عنده او عند معيد تبعه …. ولو اتلامضت وقولت لا يبقى البس الماده.

وياسلام بقي لو دفعتك فيها ابن دكتور ولا ابن اخته ولا ابن عمت بنت خالت اخت المدام يبقى هايطلع الاول وانت لو طلع عين اهلك مذاكرة وكورسات هاتنجح بجيد واحمد ربنا

حمدنا ربنا واتخرجنا وجبنا تقدير مش بطال …. استنى انت نسيت ابن عمت بنت خالت اخت المدام هايتعين معيد وانت استنى بقة على جنب وأحمد ربنا انك اتخرجت من السنه دي اصلا

أيه لاقيت شغل ألف الف مبروك فين ؟؟ سواق تاكس امممم احمد ربنا غيرك قاعد جنب امه مش لاقي

مبرررروووك رايح تتقدم لزميلتك الي كانت معاك في الكليه …. ايه اهلها رفضو ؟ ليه ؟ اممم عشان بتشتغل سواق على تاكس ومعندكش شقه وعايز تتجوز عند امك

ياني احمد ربنا هما الي اتجوزا خدو ايه

ببساطه ده سيناريو حياة اي شاب مصري من اسره متوسطه مع اختلاف بعض التفاصيل البسيطه

بس الي اكتشفناه اننا واحنا بنحمد ربنا كان راضين بالظلم وساكتين بس مكناش منكسرين كنا مستنين الصبر لما ينفذ والحمد لله اه نفذ يوم ورا التاني ومصيبه ورا التانيه مبقاش فينا صبر ولابقى حد فينا بيسبح بحمد نظام ظالم فاسد طاغي

خالد سعيد ممتش خالد سعيد صحى فينا حاجات كتير صحى فينا العزيمة والكفاح والوقوف قصاد الفساد والظلم خالد سعيد هايفضل عايش في جيل هايفضل التاريخ يتكلم عنه وعن ثورته الي هي ثورة شعب مصر …. نام يا خالد واطمن حقك مضعش ولا حق مصر

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s