كام واحد اغتصب مصر طول تلاتين سنة فاتو

By Hebat El-Niel· Friday, February 25, 2011

مش باقي مني  غير شوية ضي ف عينيا  أنا هاديهوملك  وامشي بصبري ف الملكوت  يمكن ف نورهم تلمحي خطوة تفرق معاكي بين الحياة والموت

حتى الضي عايزين يحرموكي منه والي باقي مني عايزين يسرقوه

ثورة الحرية
ثورة الحرية

مكفهومش 30 سنه بينهوش في لحمك وعرضك ومالك وارضك

مكفهومش سنين من الخراب والزل

انا عندي سؤال لولاد البهوات البشوات سابقا

سؤال لكل وزير داخليه ولكل ضايط شرطه ولكل سجان

انت سجنت مين؟؟ مين جوه السجون .. هه رد سمعني ؟ مين البلطجية الي في الشوارع دي اتولدو امتى ومالو البلد امتى

ولما البلد كلها بلطجية امال مين الي في السجون ؟؟؟؟؟؟

حد يرد عليا احسن انا قربت اموت من القهرة

تلات ليالي الرعب الي شافتهم مصر قولتو دول البلطجية الي هربو من السجون

انا اسفه انتوا كدابين

لان الي في سجون مش البلطجية الي في السجون شباب البلد الي كتمتو صوتهم وتخيلتو انه كده خلاص مش هايقوم لينا قومه

يمكن في شوية حرامية كده حطينهم تخذو بيهم عين الشيطان

انا بشوف كل يوم في كل شارع وفي كل منطقه تجار مخدارات ودعاره وبطلجية وحرامية

ياما اتسترتو عليهم

يجي المخبر قبل البوكس يلم الاتاوه ويروح للبيه يقوله تمام يا باشا العيال تمام والاتاوه مش فلوس وبس لا دي حشيش ومخدرات ونسوان لو لزم الامر

شكرا ليكم شكر لوزاره الداخليه الي ربت لنا البلطجية والحرامية وبتوع الدعاره وطلقتهم في الشوارع

وبعد الثورة بقي الشباب هو الي يتشتم ويتقاله منكم لله كنت سبب المصايب

احنا سبب المصايب اه سبب انكم تحسو اننا كنا عايشين في غابه كله عايش بيخدم الاسد وكل واحد بطريقته

من يوم 28 ومصر ظهر فيها نتيجة 30 سنه سكوت مش العكس لما يبقي كل البلطجية والحرامية دول في الشارع

يبقى الداخلية كان بقالها 30 سنه بتشرب شاي بالياسمين وهم البهوات يلمو من البلد خيرها

في كام تاجر مخدرات في السجن ؟؟؟

في كام حرامي في السجن ….؟؟؟

في كام بلطجي في السجن ؟؟؟؟

في كام ضابط فاسد  في السحن ؟؟؟؟؟

في كام واحده ممسكوه في قضيه دعاره وكام قواد في السجن ؟؟؟؟

في كام واحد ممسوك في قضيه فساد في السجن ؟؟؟

في كام واحد اتحكم عليه بالاعدام لارتكابه جريمه بشعه ؟؟؟؟

في كام واحد اغتصب وهتك عرض واحده في السجن ؟؟؟؟؟

في كام واحد اغتصب مصــــــــــــــــــــــــــــــــــــــــــــــــر في السجن…؟؟؟

عد دول ورد قولي

في قصادهم كــــــــــــــــــــــــــــــام شاب معتقل عشان قال لكل دول حراممممم وكفايه

ردو يا بهوات

ليه حبيب العادلي حتى الان  متحاكمش بتهمت القتل العمد والشروع في قتل

ليه كل الضباط الي نافذو الاوامر دي لحد الان نايمين كل واحد في حضن مراته في بيته في وسط عياله

ليه كتير من رؤوس الفساد لسه نايمين في بيوتهم

مستنين اييييييييييييييييييييييييييييه

انا هاختصمكم كلكم عند ربنا يوم القيامه حتى لو اخدتو جزاءكم في الدنيا

الثورة مخلقتش فوضي الثورة مخلقتش بلطجية الثورة مخلقتش فساد وانعدام ضمير

الثورة وريتكم عورات الفاسدين وورتنا ان بلدنا كانت بتغتصب واحنا مغمضين ولما فتحتنا اترعبنا من المنظر

لازم نفوق ونكمل

شباب الثورة زي ما وقفنا واسقطنا النظام لازم نكمل ونقف ونسقط الفساد

مش هانسيب البلد دي تاني احموااااااا مصر ارجوكم احمو مصر

كتبت بتاريخ 25 فبراير 2011

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s