الفزاعه والنداهة … ومتلازمة أستوكهولم

 

كسرنا الخوف

ايه العنوان الي فوق ده ؟؟؟ ده تشخيص بسيط لحالة كثير من الشعب المصري حاليا … خلينا نبدأها وحده وحده

زمان واحنا صغيرين في أماكن مختلفه من مصر كانت بتنتشر الحواديت والاساطير والحكايات عن النداهة الي خطفت العيال  وكانو بيخوفو العيال بيها انه الي هايقرب من الترعه ولا البحر هاتخده النداهه لدرجة انه في بعض الحكايات كان بيتقال فيها ان النداهه جت خبطت على الباب وأخد العيال ومشيت

وطبعا كل ده وسائل بيخوفو بيها الاطفال عشان يبعدو عن الترعه عشان ميقعوش ويغرقو فيها وانهم ميفتحوش الباب لحد غريب احسن يخطفهم ولا يفتحو الباب ويخرجو لوحدهم عشان العيال متتوهش

والمصيبه ان النداهه دي بقت اسطوره وبقى في ناس بتصدقها عشان تخلى نفسها من المسؤليه انها مكنتش واخده بالها من عيالها لما تاهوو ولا غرقو

وزود عليها حواديت كتير زي ابو رجل مسلوخه وامنا الغولة “معرفش منين أمنا ومنين غولة” وحاجات كتير بالشكل ده خلقت والحمد لله خيال خصب عند الطفل المصري خيال مليء بالخوف من المجهول وتصديق أي حكايه عن أي شيء مجهول  بدافع أنهم “قالوله” هما مين الي قالوا الله اعلم

طبعا النظام الي كان حاكمنا لم يغفل عليه الخيال الخصب عند الطفل المصري سابقا الي اصبح راجل ملو هدومه دلوقت وبقوا امهات المستقبل … فقرروا انهم يطورو فكره النداهه لتتحول للفزاعه … يعني ايه فزاعه ؟؟؟

يعني زي أيام الثورة لما كان الشباب في الثورة بيطالبو ب إسقاط النظام وتفضل الرئيس المخلوع علينا بخطاباته التي تشيد بأمجاده والتي يريد فيها البقاء للحفاظ على أرض الوطن مدة الستة أشهر الباقيه “على اساس انه معرفش يحافظ عليها طول 30 سنه وقرر يلحقها في الستة شهور دول” وطبعا بعد ما خلص الخطاب بدأ تتهاوى إلى اسماعنا   حاجات كتير

شوفتو المصايب أمريكا جت وواقفه عند قناة السويس وعايزين يدخلو مصر الرئيس لو مشي امريكا هاتدخل وهانبقى زي العراق

حرام عليكم خربتو البلد شوفتو الي حاصل في العريش ورفح إسرائيل بتحشد جيشها وهايدخلو يحتلو سينا تاني  وهانحارب تاني منكم لله شوفتو الراجل كان حامينا لمدة 30 سنه من غير حرب .. وطبعا احنا عارفين مكناش بنحارب ليه مش محتاجين نحارب خيرنا كله عندهم اصلا هايحربونا ليه .. يالا مش موضوعنا دلوقت

أنتوا اتجننتوا عايزينه يمشي دلوقت عشان الاخوان يمسكو البلد وهايخلوكي تتحجبي ومتخرجيش من اليبت – لدرجة ان واحد اتصل بمذيعه في التليفزيون المصري بيخوفها لو الاخوان مسكو هايخلوها تقرا نشره الاخبار بالنقاب ده لو مقعدوهاش في البيت – على اساس انه مفيش شعب ولا جيش في البلد

كفايه الناس هاتموت من الجوع والاكل هايخلص من المحلات  – وطلعت طنط عفاف شعيب  تستنجد عشان بنت اختها مش عارفه تاكل بينزا وابن اختها الي عنده سنتين جاله اكتئاب عشان مفيش كباب – مش موضوعنا برضو

مشي الرئيس وانخلع وفضلت حكومة شفيق … طيب يعني هو مشي حكومته فاضله ليه .. شوية وناس طالبة الحكومه تمشي

واشتغلو على فزاعه الانهيار الاقصادي وكان الحكومه دي هي الي سانده الاقتصاد – مع انها لمدة 30 يوم محركتش ساكن وسبحان الله جت حكومه شرف كل يوم قررات ومحكمات والحمد لله شغالين فل –

وجاءت مشكله الدستور الي هو اصلا سقط لما الرئيس مشي واسقط العمل به في خطاب التنحي فقرروا يرقعوه ويقولوا لنا اقبلوه كده حلو جميل

واشتغلت  فزاعه الدستور … لو الدستور متعدلش هانفضل في حكم عسكري الا مالا نهاية .. حد يستحمل الحكم العسكري  … نكلف خاطرنا شوية ونقرا وهانفهم ان لو اترفض التعديلات هايتم رفع طلب للقوات المسحلة بتكليف لجنه تأسيس لتغير الدستور .. أو هايتوقف العمل بالدستور واخذ بعض المواد الي تمشي أمور البلد لحين تعيين رئيس جديد وهو يشكل لجنه لوضع الدستور … يعني مش هانعيش تحت حكم العسكر زي ما بيخوفو الناس

أما بالنسبه لمتلازمة أستوكهولم وهي ” أحد تعبيرات علم النفس الحديثة والتى كثيرا ما يرد ذكرها إذا ما تناقلت وسائل الإعلام خبرا عن العثور على إنسان تم أسره أو اختطافه وظل  رهن إرادة إنسان آخر مارس عليه تسلطه ونجح فى أن يستعبده بعيدا عن أعين الناس. ” والحمد لله ثبت أن الشعب معظم الشعب المصري  يعاني من من متلازمة أستوكهولم وده بعد وصلة النحيب الي حصلت بعد خطاب التنحي وشوفتها في في ناس كتير وأولهم أمي

انا فكرت في مضاد حيوي يقضي على التلات حالات المستعصيه عند الشعب المصري او البعض منه لعدم التعميم … شغل عقلك شوية مش هايحصل حاجه والله لو كل واحد فكر وقرأ وبحث في كل معلومه بتوصله عشان مفيش حد فينا يقول اصل فلان قالي واصل قالولي وسمعت وحواديت قبل النوم الي احنا عايشين فيها

اشوفك في التدوينة الجاية

هبة النيل

أأأأأأأأأأأأه نسيت موضوع الاجندات الاجنبية الي في  التحرير …. أخدتو اجنده من هناك ولا لاء 🙂 ؟؟

Advertisements

8 thoughts on “الفزاعه والنداهة … ومتلازمة أستوكهولم”

  1. مبروووووووووووووووووووووووووووووووووووووووووووووووووووووووووووووووووووووووووووووووك

  2. كلام صح الصح و منطقي جدا للغاية بس ياريت ياريت الناس تفهم وضعها ايه في الكلام ده كله ، كل واحد المفترض يختلي بنفسه شوية كده و يرااجع ذاكرته و يحدد مواقفه من كل حاجة حصلت خلال عمره ، والله ياهبة والله لو كلنا عملنا كده مش هتقابلنا صعوبات ابدا ابدا و نقدر نخطي فوق اي ازمة بتحصل ( بالمنطق و تحكيم العقل )

  3. صح ياهوب هوب نسيت اقولك ماتنسينيش في 3 اجندات للتلات سنسن اللي جايين عشان انا مش قادر اروح التحرير او انزل مصر اصلا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s