ثورة الوعي

 

ثورة الوعـــي
ثورة الوعـــي

الثورة قامت واسقطنا الطاغية وروحنا ونمنا … طبعا مش كل الناس نامت  في ناس بتحارب وبتعافر عشان الثورة دي تنجح وتكمل  طب واحنا فين من كل ده ؟؟ ايه دورنا ؟؟ هي مش مصر ليها حق علينا ؟؟

أولا أحنا امبارح مرينا بتجرية هايله وهي تجربة الاستفتاء على مواد الدستور المعدلة … ولكن كتير مننا كان بيتشكي من محاولات ” الجماعات المحظورة سابقا ” السيطرة على عقول بعض البسطاء وحثهم على الاجابة بنعم وذلك من باب التكفير لمن يقول لا

حقهم … اه حقهم طبعا لاقو مادة خام يشتغلو عليها وفي المقابل كام واحد فينا ساعد الناس وقدر يشرح لهم ويفهمهم ؟ أكيد في ناس حاولت بس لاننا غير منظمين ومعظمنا يفتقر إلى طرق وسبل الاقناع طبعا كانت كلمة التكفير أقوى

مش هاطول كتير في الكلام عن الموضوع ده ولكن الي يهمني الكلام فيه دلوقت هو المرحلة الجايه احنا داخلين يمكن على اكتر من 7 انتخابات قادمه لو كانت نتيجة الاستفتاء ده بنعم وياريت منقعدش نندب حظنا كتير ونعدد ونسيب الناس البسيطة دي برضو تحت سيطرة بعض العقول الموجهة … انا احترم جدا اي جماعه دينية يقوم دورها على نشر الوعي الديني والتثقيف الديني ولكن انا ضد انك تربط كلمه الدين بكلام في السياسه او الفن او الادب وان كان الدين لا ينفصل عن حياتنا ولكن الدين وان وجد وجد في ضمائرنا

أنا قررت اني ابدأ ثورة الوعي من هنا من مدونتي واتمنى اني مع الوقت اقدر انزل للناس في الشارع انا وغيري كتير ونكون كيان منظم نقدر نساعد الناس البسيطة ونفهمهم ايه حقوقهم وايه واجباتهم وازاي لما يكونو قدام اختيار معين فيه مصلحة مصر اذاي يقدرو يقيمو الموقف بدون سيطرة من حد

الي هاعمله هنا هايكون مساعدة لينا احنا شباب الانترنت المتعلم الي برضو عنده لبث في بعض المفاهيم الي هاحاول اجمعها وانشرها واتناقش فيها مع كل الي يحب والي اتمنى في وقت اقريب انني انا وغيري يكون عندنا قاموس من المفاهيم الي تقدر تساعدنا اننا نوعي غيرنا وركائز اساسية نقدر نعتمد عليها في محاولتنا لنشر الوعي لكل الناس

معاً سنبدأ ثورة الوعي

هبة النيل

Advertisements

One thought on “ثورة الوعي”

  1. الايجابية مطلوبة في المرحلة دي ، وخدي بالك كمان اننا بقالنا في مستنقع الطائفية عمر بحاله، مش هيتنهي بين يوم وليلة يعني، وشيء متوقع ان اي طرف يستخدم الطائفية لمصلحته طالما موجودة لأننا مش ملايكة، وأنا اتفق معاكي ان زيادة الوعي هتقلل الطائفية وهتخلي الناس تشغل مخها اكتر، بس دا هياخد مجهود ووقت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s