نتيجة الاستفتاء

 

ثورة الوعي
ثورة الوعي

بسم الله الرحمن الرحيم

الاجابه : تونس

قصدي الاجابة نعم … وده طبعا بعد ما راح شوية ناس كده استفتو حوالي 18 مليون مواطن مصري من 85 مليون مصري كان مفروض يطلع منهم 45 مليون يروحو يصوتو يعني الي راح هو تقريبا ربع عدد المصريين او ااقل شوية

ما علينا مش دي القضيه دلوقت ولكن الي يهمني انا وناس كتير اننا نرصد النتائج الحقيقة للتصويت وعلى قد ما اقدر هاحاول اجمع اراء الناس الي اقتنعت بوجهة نظرهم وتحليلهم للموقف وهاحاول اضيف عليه بعض النقاط على قد ما اقدر

الصديق حسين مهران من جمهورية (تويتر):ـ

أولا : مصر ليست القاهرة واسكندرية والمدن الكبرى فقط

ثانيا :  مصر ليست فيسبوك وتويتر فقط

ثالثا : أكثر من 26 مليون مصري لم يصوتوا ولا نعرف اتجاهاتهم

رابعا : المصريون لا يسكنون مصر فقط، ملايين المصريين خارج الوطن غير مسموح لهم بالتصويت

خامسا : 40% من المصريين أميين و90% منهم يتأثرون بالخطاب الديني

سادسا : البرادعي + عمرو موسى + وائل غنيم + عمرو خالد + كفاية + 6 إبريل + معظم المثقفين = 4 مليون مواطن

سابعا : نحن نعيش في مصر وليس في السويد

دي كانت الدروس المستفادة من الاستفتاء للصديق حسين مهران انا بقى احب اضيف حاجات تانيه

لما البرادعي ينضرب بالجزم و الزمر يحمل على الاعناق يبقى انت اكيد لسه في مصر القديمة

انا بقى شايفه ان النتيجة المزهلة الي شوفنها الي هي 77.2 ل 22.8 ده شيئ مزهل وبيأكدلي ان لو فضلنا نهاتي من هنا ل 10 سنين جاين في الفيسبوك وتويتر لا حياة لمن تنادي لان احنا كده بنسمع نفسنا ومحدش سمعنا يعني احنا الصوت والصدى .. الثورة عمرها ماكانت هاتتحقق الا لما الشباب نزل الشارع وصرخ واحنا كنا بنهاتي هنا لمدة 10 ايام فاتو وفي ناس موجوده في الشارع شغاله على المواطن المصري العادي بتوجهه وبتسمعه العذب من الكلام وانه ان شاء الله من المبشرين بالجنه لما يقول نعم

وده مؤشر لطيف جدا لما سيحدث في الانتخابات البرلمانية لو فضلنا احنا قاعدين على الفيسبوك بنعمل في صفحات وجروبات عن الوعي والارشاد والحلاوة الطحينية وان شاء الله كده محدش يلوم الا لنفسه لو فضل قاعد بيجاهد على الفيسبوك ومتخيل انه بكده حقق انجاز

النتيجة الحقيقة الي توصلت لها …. ان الثورة لسه مخلصتش ولن تنتهي الان والشارع لنا ومحتاج لنا

الشارع محتاج العلم ، وعي سياسي ، وعي ديني “مش كل واحد يحرم ويحلل على مزاجه” ، محتاج يعرف حقوقه وواجبته ، وعي قانوني  … بمعني أشمل وعي حضاري وتأهيله للمرحله الجايه بشكل منظم ومحايد

الناس محتاجه تشتغل ويكون لها مصدر رزق ثابت … ويكون لها مكان سكن آمن .. أكيد مش هانقدر نعمل كل ده ومش هانقدر نحل كل المشاكل دي بس الي نقدر عليه اننا نحاول كل واحد بالي يقدر عليه

أهم شيء… التنظيم … وضع هدف وخطة عمل … الصبر …. الايمان بالإرادة  … يكون في مجموعات عمل موحده وليها فروع في كل مكان في مصر ونقدر نحقق الانتشار ده عن طريق الانترنت والفيسبوك مفيش اسهل من كده

طبعا ده مبيلغيش دور الفيسبوك وتويتر ولكن دول ليها المرتبه التانيه يعني يتم عرض النتائج عليهم مش العكس يعني اشتغل في الشارع وبعد كده دون الي عملته زي ما كان بيحصل ايام الثورة الناس في الشارع وناس بتكتب الي بيحصل وناس تانيه بتستجيب وبتتحرك

الشعب يريد حياة الميدان …. حي على الميدان

والله المستعان

 

Advertisements

One thought on “نتيجة الاستفتاء”

  1. على فكرة ياهبة كلامك صح جدا جدا و منطقي للغاية بس ماتنسيش حاجة ان احنا كاشباب او كناس مثقفة عارفة هي بتقول رايها بناءا على ايه لكن فعلا المشكلة في الناس الغير مثقفة فعلا هما طعم سهل جدا و خصوصا في الاول كانوا طعم سهل جدا جدا للحزب الوطني و الانتخابات ب100جنيه و لا بطنية و لا كيلو رز و دلوقتي بقوا اسهل و اسهل للاخوان المسلمين او لاي حد بيتكلم من منطلق الدين و خاصة ده نفعهم بعد ما الناس دي الساذجة فقدت ثقتها بالحزب الوطني بعد ما اتحرق او مش عشان كده برده عشان الحزب دلوقتي ايده متكتفة عشان العين عليه من كل الشعب بفئاته و خلي بالك من حاجة تانية برده ان نفس المشكلة هنواجهها في انتخابات البرلمان مش بسبب الكلام ده لا و لكن بسبب ان مافيش احزاب تقريبا غير الوطني و الاخوان و ماحدش لحق اصلا يعمل ربطة فنفس المشكلة هتتكرر تاني بسبب الله يخرب بيته اللي غار في داهية ماكانش مخلينا نتنفس ، و في مشكلة اكبر من كده برده الا و هي المقيمين في الخارج انا واحد من الناس مقيم في السعودية و كتييييييييييير جدا معانا هنا بعيالهم و اباهتهم و امهاتهم و للاسف فعلا مالناش حق التصويت بالرغم من – و هنا المشكلة – ان مافيش حد هنا اتكلمت معاه الا و كان رايه بالرفض على التعديلات يمكن 98% و بدون مبالغة و ده خلي بالك لاسباب منها و اهمها اننا هنا بعيد عن اي ضغط فكري بمعنى لما بنقول راينا عارفين و مقتنعين تماما احنا بنقوله بناءا على ايه بدون اي ضغوط و بدون ادنى تردد و ماحدش بيوجهنا الا بس مجرد اننا بنتابع تليفزيونيا الناس اللي بتفهم و يوضحوا الرؤيا و بعدها احنا اللي بنقرر ،
    و اخيرا عشان انا طولت عليكي بغباء انا نفسي ياهبة يكون لينا حق التصويت و مانكونش عايشين و مش عايشين كده و عاملين ذي البقر يقعد طول النهار يلف و يدور عشان ييجي اخر اليوم ياكل وجبة فول و لا برسيم دسمة و مالهوش دعوة صاحب المكان بينضفله مكانه و لا لا
    المهم انا بتمنى ان مصر تكون للاحسن

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s