الازهر .. صمام الامان

1011433_493309440747913_1768757026_n

أولا انا قررت اتكلم في الموضوع واطرح المبادرة بصفتين

أولهم إني مصرية وثانيهم اني مسلمه 

ليه الازهر ..؟ 

قامت ثورة 25 يناير وكان ليها مطالب كتير جدا ومطالبها كلها مشروعه .. بس للاسف نسينا حاجه مهمه جداا .. اننا نطالب بالحماية الدينيه ..؟ هاتسألوني يعني ايه الحمايه الدينيه هاقولكم ان زي محنا محتاجين للكرامه والخبز والعدالة برضو محتاجين للدين خالينا واضحين الدين مش هاينفصل عن حياتنا حتى لو اصبحت مصر دولة علمانيه لان الدين داخل في كل حاجه في تعالمتنا اليومية والحياتيه مسلم او مسيحي .. نسينا ان الراجل الغلبان الي في العشوائيات زي ما هو محتاج ياكل ويشرب ويعلم ولاده محتاج برضه الي يقوله اصبر على ما ابتلاك به الله ويفهمه ويعلمه اصول دينه بشكل صح .. وطبعا لمعرفه الكثير منا بهذا الاحتياج ف انتشرت القنوات الفضايئة وانتشر الشيوخ اصحاب الفتاوي التيك اواي … وظهرت جماعات كل يوم واحد بيتكلم ب اسم الدين الاسلامي وكل ما حد يحصله مصيبه يجري عليهم .. بس حقهم اه حقهم يعني الناس هاتعيش من غير ما تعرف الحرام م الحلال .. الراجل الي مبيعرفش يقرا هايعرف دينه منين .. لاننا زي ما احنا شعب عاطفي ف احنا شعب برضو متدين .. بجد ايوة سيبكم من الظاهر للبعض .. واقرب دليل نتيجة الاستفتاء اول ما اتقالهم ان الي هايقول نعم هايخش الجنه 77 % قالو نعم .. يعني هاتبقى لا دنيا ولا اخره .. على فكرة انا كلامي لا يحمل اي نوع من السخرية ولكن بتكلم بعقل وصوت المواطن المصري الي تحت خط الفقر والعلم والوعي

ادخل بقى في موضوع الازهر .. طبعا احنا كل يوم بنلاقي مصيبه حاصله في البلد ايادي خارجيه بقى داخليه امن الدولة امن العفريت مش مهم مين .. المهم ان في حاجه بتحصل ولازم ليها حل .. والحل هو الازهر .. ايوة الازهر

الازهر الي كان في يوم من الايام مناره للعلم والدين لكل بقعه من بقاع العالم ولازال ليه دور في التعليم .. ولكنه للاسف لم يعد له دور في الدين ولا الدنيا بعد ما اتوأد بعد ثورة يوليو 1952 وتحول من منبر ومناره للعلم والدين .. لمؤسسة حكومية زيه زي الاعلام في مصر برضو مؤسسات حكوميه بتنقل صوت الحاكم والحكومات مش صوت الحق وصوت الشعب

طب ايه الحل ؟؟ انا عن نفسي بطالب ان يكون في مبادرة شعبيه من كل المصريين مسلمين ومسيحين ان يعود للازهر دورة عشان يكون منبر للعلم والدين الاسلامي السمح الي بيدعو للمحبة والإخاء ..متنسوش دور الازهر ايام ثورة 1919 كان شيوخه وقساوسة الكنيسة يد واحده ضد الظلم والاستعمار والاستعباد .. صدوقني ف ايدينا الحل عشان نخرج بمصر من كابوس الفتنه

طيب في ناس هاتقولي طب وده هايلغي الجماعات الاسلاميه .. هارد واقول لا الجماعات الاسلاميه مثل الاخوان المسلمين ظهرت عندما تراجع دور الازهر واصبح مفيش منبر موحد للمسلمين يوحد صوتهم ويجمعهم و يعلمهم اصول دينهم .. ولو رجع الازهر لمكانته الطبيعية من المفروض ان كل الجماعات دي هاتنصر في داخله لاني اعتقد ان كل مبتغاهم هو نشر الدين وتعاليمه .. وما يمتاز به الازهر انه به من العلماء والحكماء الي يقدروا يوصولو صوت الاسلام الحق البعيد كل البعد عن التطرف وهايقدرو يغيرو صورة الاسلام في العالم كله  .. صدقوني الازهر هو صمام الامان لهذه الوطن


Advertisements

3 thoughts on “الازهر .. صمام الامان”

  1. كلام روعة فعلا وكله مضبوط
    لو الأزهر رجع لدوره الحقيقي الكبير هتلاقي كل محبي الدين عايزين يدخله تحت جناحه بدلا من الجماعات الكتير
    وأول خطوة لازم نبدأ منها هو استقلال الأزهر عن السلطة التنفيذية للدولة ويكون الأوقاف ودار الإفتاء تابعة ليهم
    وبكدة يقدر الأزهر يختار شيخه بالانتخاب وفي نفس الوقت هيقدر يطور من نفسه بدون تدخل خارجي (بتكلم عن المعونات الأمريكية المشروطة) وهيقدر يسيطر على كل المنابر في المساجد بأئمة فاهمين الدين المعتدل الصحيح

  2. معاااااااااااااااااااااااكى حق ياهبه وانا موافقك ف كل كلمه قولتيها وياريت نوجه نداء للازهر كمان انه يعمل حملة تثقيف للشعب من خلال خطبة الجمعه وتكون كالتالى ان يوجه الازهر الى خطباء المساجد مجموعه من الخطب التى تدعو اللى البناء والوحده حتى ننهض بالبلد
    تحياتى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s