السيد بلال .. حتى لا ننسى

الشهيد السيد بلال يحمل ابنه قبل استشهداه ب ايام

طبعا كلنا في زخم الاحداث الي فاتت في قضايا كتير غفلنا عنها وغفلنا عن السؤال عن ايه المستجدات فيها .. وده طبعا لكم الخبطات الي بنخدها على دمغنا من وقت ما تنحى المخلوع وكأن مش مكتوب لنا نرفع راسنا .. بس انا قررت ارفع راسي .. وادور حواليا على الجروح التي لم تلتئم حتى الان .. جروح الوطن .. وإحدى تلك الجروح .. قضية السيد بلال  .. ذلك الشاب الذي زهقت روحه  على يد “الجلادين” الذين كانو يدعون حفاظاهم على امن الدولة .. ولا يعلمون أن أمن الدولة في امن ابناءها وليس في إزهاق أرواحهم

قمت بالاتصال اليوم بزوجة المرحوم الشهيد سيد بلال “شهيد الجلادين” وفرحت جدا لاني اطمنت عليها وعلى ابنها الطفل البريئ الي كـتب عليه انه يكون يتيم من قبل ما عيونه تقدر تحفظ ملامح والده او يتحفر في ذاكرته صوته وريحـته .. الي جرب اليتم هايحس بيه اكيد

وكأنت مفجأة ليا ان قضيه الشهيد سيد بلال فتحت من جديد وانه جاري التحقيقات .. قضية سيد بلال في عليها شهود عيان كما ذكر في موقع اليوم السابع .. يعني مش هايتفرق دمه بين القبائل ويتقال منعرفش مين الي قتله .. سيد بلال استشهد نتيجة انه متحملش التعذيب .. وقابل وجه رب كريم ارحم بيه من هذا العالم .. لكن ابنه .. مصيره ايه ؟؟ ليه مش واقفين جنبه او بنحاول ندور ونسأل ونتكلم ونشوف ايه الجديد في قضيته ..؟ سيد بلال قبل ما يكون شيخ سلفي .. فهو إنسان ومواطن مصري  واجب علينا كلنا ندور على حقه وحق ابنه .. سيد بلال مجرد حاله من ضمن الالاف الحالات الي بتمنى اننا ندور عليهم ونساعدهم في انهم ينتزعو حقهم من أفواه الجلادين بالقانون وبالمحاكمات العادلة التي حرمو منها امثال السيد بلال وقررو تعذيبهم حتى الموت

الي هايحب يتواصل مع زوجة الشهيد السيد بلال او هايقدر يقدملها الدعم في قضيتها ياريت يبعتلي .. محتاجين نساعد كل الناس الي انتهك حقهم واداميتهم لاني دي جراح وطن لو إلتأمت اضمن لكم ان مصر هاتبقى احسن لينا كلنا .. لا كرامه لوطن اغتصبت فيه كرامة ابناءه

Advertisements

11 thoughts on “السيد بلال .. حتى لا ننسى”

  1. يارب ياجبار يا منتقم ياعزيز ياشديد العقاب أحرق من قتله أو تسبب في قتله أوأعان عليه واجعلهم يتمنون الموت ولايجدونه واجعلهم عبرة للمعتبرين واشفى صدونا منهم واحرقهم بنار الدنيا والاخرة واجعل قبورهم نار تلظى ….يامجيب المظلومين

  2. جزاكى الله خيرا ياهبه وياريت تبعتيلى رقمها وعنوانها وان شاء الله احاول اتصل بيها واعزيها واشوف ممكن نجيب مساعدات ليها ولطفلها
    تحياتى

  3. في ناس بتتصل بيهم عشان تقابلهم بحجة المساعدة وبعدين يطلعوا صحافة وإعلام …فصعب عليهم يثقوا ف أي حد يتصل يقول أنا عايز أساعد

    أفضل اللي يساعد يبعت على حساب البنك علطول 🙂

    1. والله الست عندها عزت نفس ربنا يكرمها .. وانا الي بطلبه هو دعم لقضيتها .. اما اي شيء تاني انا مفدرش اطلبه من حد لاني معرفش هي ممكن تقبل ده ولا لا .. لكنه حقها وحق ابنها علينا والي حابب يقدم لهم اي دعم انا مقدرش امنعه لكن هدفي الاساسي من الاتصال بيها وطرح القضيه من جديد هو مساندتها معنويا في قضية زوجها

  4. ياشباب ثورة الغضب التانيه معملتش اهدافها وده لاسباب كلنا عارفينها فياريت منسبش حق الشهداء ومصابى الثوره يضيع هدر والمحاكمات العسكريه تنتهى بمجلس رئاسى مدنى فياريت القوى السياسيه تحدد مليونيه لتحقيق اوامر الثوره وياهبه ارجو نشر الدعوه لان الثوره اتسرقت خلاص ولازم نتحد من تانى عشان نرجعها للشعب
    تحياتى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s