هاتعمل ايه لو بقيت رئيس الجمهورية؟؟ سؤال للمغردين

#ImEgPresident‏ سؤال طرحته على مستخدمي تويتر .. هاتعمل ايه لو بقيت رئيس الجمهورية .؟؟؟  ايه طموحك لمصر ؟ وايه خطتك ل اربع سنين جايه ؟

‎‏ حخلى التعليم استسمارى والمدارس ليها ميزانيات مستقله استثماريه – والدوله تدفع مصاريف المواطنين ليها
_______________________________________________
  • ‏ أول قرار حآخده إعدام حسنى مبارك وأولاده وزوجته والعادلى وجميع مساعدية المتورطين فى قتل وإصابة الثوار و حقيل شرف إقالة غير مشرفة
هاتعمل ايه لو بقيت رئيس الجمهورية؟؟ سؤال للمغردين
  • و طبعا حبس جميع وزراء حكومة نظيف مدى الحياة .. أما طموحى لمصر فهو إنها تكون أعظم دولة فى العالم إجتماعيا و ثقافيا و سياسيا
  •  حنضف الشوارع وحسفلت جميع الشوارع وحرجع رصيف كورنيش اسكندرية اللى اتسرق زى زمان وحهتم بالصرف و حلغى البلاعات و أعمل مصارف جانبية
  •  حعمل سوق مخصوص لكل حى عشان أحل مشكلة الباعة الجائلين و حدى لكل واحد كشك فى السوق .. حجدد الأتوبيسات و أعمل محطات حقيقية
  •  حعمل نظام خاص للتكسيات اللى بقت تستعبط .. التاكسى اللى مش حيقف للى يشاور حيتجاب واللى مش حيقبل بالمشوار حيتسحب منه التاكسى
  •  و حعمل حد أقصى و حد أدنى للأجرة حسب مساحة المحافظة و طبعا الأجرة حتكون محدده يعنى كل كيلو بنص جنيه و حرخّص تمن البنزين
  • حرجع ترام اسكندرية القديم وحرجع الأجرة بربع جنيه .. حلغى كل النوادى اللى على البحر و حعمل شواطئ نضيفة و حهد نادى القوات المسلحة
  •  حعمر سيناء شبر شبر وحعمل مدن سكنية جديدة وحهتم بالصعيد.. جنوّر كل حته فى مصر والميه مش حتقطع تانى.. أهل النوبه حيبقو مصريين بجد
  •  فيه مليون ألف حاجه نفسى أعملها لو قعدت أكتب مش حخلص … نفسى مصر تبقى مصر بجد
  •  حجدد القطر و حعمله اكسبريس عشان اللى عايز يروح أسوان يوصل فى 4 ساعات و حوصل خط القطر لكل حته فى مصر و التذكرة حتبقى بـ 20 جنيه
  • حنفذ مشروع ممر التنمية و حيبقى لكل مصرى فيه سهم أو عشرين عشان يبقى مشروع قومى و نتجمع كلنا على خير بلدنا
  • حنقل الناس الساكنه فالعشوائيات للمدن الجديدة وأعمر بيهم المناطق اللى كانت مهجورة.. وحهد العشوائيات وأبنى مكانها مدارس ومستشفيات
  • حفتح قصر المنتزة للزيارة تانى و كمان قاعة الأفراح اللى كانت فيه تانى .. حعمل التذكرة فى المنتزة بجنيه و حجددها من جوه
  • حعمل فى المنتزة ملاهى صغيرة و تأخير عجل و أكشاك سندويتشات وحلويات و عوامات وجيت سكى فى البحر و بانانا لأنها بجد غير مستغله خالص
  •  و طبعا الحاجات دى كلها حيبقى عليها رقابة فى الأسعار عشان تبقى حاجه رمزية للناس و اللى عايز يشم هوا من غير خنقة الفلوس
  •  ده غير أكيد الأسعار اللى حتقل للتلات أربع و اللحمه الكيلو حيبقى بـ20 جنيه و الفراخ الكيلو بـ7 جنيه
  • حقيل كل بتوع الداخلية و حدخل بتوع الحقوق من الدفعات اللى فاتت و حغير المناهج فى الأكاديمية وحسميها أكاديمية الشرطة لحماية الشعب
  • مفيش حاجه اسمها صاحب مكتب معفن يشغل عنده 20 واحد يدى كل واحد 200 جنيه فى الشهر و يمص دمهم بملاليم
_______________________________________________
  • ‏ أول حاجه ، إستقلال القضاء الأمن وإعادة هيكلة وزارة الداخليه وإلغاء كل القوانين المقيدة للحريات ، وبس حتلاقوا البلد تفوق وتزدهر
_______________________________________________
  • ‏ هحقق جزء من اهداف الثوره علشان اهداف الثوره محتاجه اكتر من فتره رئاسيه
_______________________________________________
  • ‏ مش هعمل حاجة.. بس هسيب كل واحد عايز يخدم البلد بجد يشتغل بحرية
_______________________________________________
  • ‏ مش حختار لحد مصيره … حسيب كل مصري يحلم وحشتغل على تحقيق حلمه … وحقرا المنشنز اللي على تويتر من الشعب ‎:D‏
_______________________________________________
  • ‏ هاخلي الالتراز يقفوا يامنوا مدرجات الإستاد بعصيان وصواعق و الأمن المركزي يشجع
_______________________________________________
  •  I’ll start to #green our life
_______________________________________________
  • ‏ اول قرار احلال حزائى للدخليه وطموحى برازيل تانيه
_______________________________________________
  • ‏ اول حاجة لازم تتعمل تنضيف وتهذيب رجال الشرطة والجيش والاول نفهمهم انهم هيتعاملوا مع بنى ادمين زيهم وبيسمعوا وبيشوفوا من غير ضرب
  • ‏ التقليل من الوسايط والمحسوبية ويكون فى عدل خصوصا فى الوظايف
_______________________________________________
  • ‏ سوف احكم مصر بعقليه الاولتراس انكار الذات و ان المجد للمجموعه و ليس لفرد و عدم فرديه القرار
_______________________________________________
  • ‏ الاهتمام بالتعليم و التربية لأن الأخلاق بقت فى السكلانس خالص ‎
  • الاهتمام بهموم البسطاء و الفقراء
  • الاهتمام بجذب الاستثمارات الخارجية و توفير عنصري الأمن و الأمان لأنهما أحد أهم عناصر الجذب
  • الاهتمام بكرامة المواطن المصري داخليا لأنها مفتاح الوصول لكرامة المصري خارجيا
  •  الاهتمام بالبنية العسكرية لأنها أحد مفاتيح الهيبة الخارجية للوطن ‎
  •  التعاون مع إبليس للوصول للمصلحة العليا للوطن
  •  محاولة استقطاب الكفاءات المهاجرة للمساهمة في إعادة بناء المجتمع و الوطن
  •  القضاء علي العشوائيات و إعادة إعمار مصر
  •  إعادة هيكلة جهاز الأمن الداخلي
  •  توفير الماكل و المشرب النظيف الخالي من التلوث و المبيدات لكل مواطن
  • تجريم الرشوة و توفير العدالة الاجتماعية
  •  تجريم التهرب الضريبي و اعتبارها خيانة عظمي للوطن ‎
  • إنشاء مجلس أعلي استشاري من كبار المتخصصين في كافة المجالات يختص بمراجعة كافة القرارات السيادية يضم كفاءات بجد
  • الاهتمام بالاقتصاد المصري و دعم الصادرات بجد
  •  الاهتمام بالسياحة بجد و عوامل جذب السائح المصري قبل الأجنبي ‎
  •  تعيين الكفاءات في المناصب التي يستحقونها دون النظر لعامل السن
  •  الحفاظ علي حقوق الوطن دوليا
  •  الاهتمام بالصعيد
  •  تجريم البلطجة و القضاء على البلطجية
  • الاهتمام بالرياضة و جعلها أحد أدوات الاستثمار في مصر ‎
_______________________________________________
  • ‏ عارفه يا هبه. .لو الرئيس الجاى حب الناس ونزل الشارع شاف بنفسه مشاكل الناس وإلتحم بالجماهير..هتكون مصر حاجه تانيه
  •  دور على مصلحه المواطن البسيط..إنشر العدل والخير والحب..وإعرف انك هنا علشان تسعد الناس مش علشان تأمر وتنهى فيهم
_______________________________________________
  • ‏ مش هخلي اي حد يبقى مدرس،مش كل اللي يجيب مجموع يتخرج ويبقى مدرس،لازم دورات وتدريبات اكتر من اللي بياخده بكتير، لازم المدرس يتطور
  • لازم التعليم يبقى اجباري في مرحلته الابتادئية،ويتم توفير كل الامكانيات لجميع الاسر عشان يعلموا اولادهم، ويتم عقاب من يتخلف ذويه
  • هشرف على التعليم بنفسي كل فترة،وهيبقى اختيارالمدرس على الفرازة،والموجودين حاليا يتدربوا تدريب كويس لحد ما ينفعوا يبقوا مدرسين
  • هخلي بصمة لمصر في اغلب دول العالم، مجمع تعليمي، طبي، ديني، رياضي .. والازهر هيساعدين كتير جدا في الحالة ديه
  • هعمل توعية ثقافية عالية جدا، لازم يافطات توعية للناس في كل متر، وهوصل لدرجة من الوعي والثقافة ان لشخص يمشي معاه كتاب في كل مكان
  •  تغيير اساسيات الناس السلبية والمحبطة عن طريق اعلام ايجابي، لازم اوصل ان حاجة زي الالتزام بالمواعيد ده شيء مقدس،وان الاحسان واجب
  • هعمل تراك مخصوص للعجل عشان ازمة المواصلات تتحل،وكل مواطن ليه عجلة هياخدها على بطاقة زي التموين (الدنمارك والصين والنرويج)سبقونا
_______________________________________________
  • ‏ هعمل شركه حديد و شركه محمول و البترول مش هصدره و القمح هخزنه و ههتم بالتعليم و الصحه و مش هسرق واللي يسرق هعلقه من عينه
  • و الجيش هقويه علي قد ما ققدر و هخلي للمصري كرامه ف كل حته و هيكون مبدئي العين بالعين و السن بالسن و البادي اظلم
  • و هنزل الشارع هقعود مع الناس و اتكلم معاهم و احفظهم عشان يشتغلوا و ننهض بالبلد .. يا ريت الرئيس اللي جاي يعمل كده
_______________________________________________
  • ‏ لو بقيت الرئيس هرجع للمصري كرامته برا بلده
  •  هأعد ما استطعت من قوة لجعل مصر قوية ورادعة لمن تسول له نفسه بتهديد أمنها
  • هبني قاعدة عسكرية مصرية في غزة
  • هطرد السفير الصهيوني
  • هبني مصانع كتيير تستوعب العمالة المصرية
  • سأبني جيش قوي يردع كل من يفكر في تهديد أمن مصر
  • سأعمل مع كل عربي شريف على تفعيل اتفاقية الدفاع العربي المشترك ‎
  • هحظر إن حد يستثمر مبالغ نقدية كبيرة في بنوك أجنبية
  • سأعمل مع كل عربي شريف على تفعيل السوق العربية المشتركة وإنشاء عملة عربية موحدة ‎
  • هلغي نظام التنسيق لطلاب الثانوية العامة ، لازم قدرات و” ميول ” الطالب تكون أساس للكلية اللي هيدخلها
  • هلغي إتفاقية كامب ديفيد، هما لو عاوزين يهاجمونا مش هتمنعهم الإتفاقية ، دول طول عمرهم خاينين
  • اللي يسقط في دراستة تضاعف مصاريفة الدراسية واللي يجيب امتياز يعفى من المصاريف ‎
  • اللي يثبت إنه ارتشى أو استخدم سلطتة بطريقة غير قانونية يفصل تماما عن العمل
  • اعمار سيناء ونقل عديد من مؤسسات الدولة ليها
  • الانتخابات بالرقم القومي والمصريين في الخارج ليهم حق التصويت
  • العلاج على نفقة الدولة لكل ( محتاج ) فقط
  • العدل في التعليم والصحة في كل شئون الحياة
  • هاجيب الناس بتوع الكهرباء والصرف والتليفونات وكل واحد يقول هيعمل اية وبعد كده هرصف كل شوارع مصر محدش يحفر في الطريق تان
  • ههتم بالرياضة وبمشروع البطل الأوليمبي
  • مبدأ المعاملة بالمثل لأي دولة في العالم اللي هيعامل المصريين وحش هيتعامل بالمثل ‎
  • رسوم قناة السويس هتبقى بالجنية المصري
  • مشروع قومي لبناء الخلايا الشمسية عشان تستغل الشمس اللي مولعة فينا طول السنة دي نستخدمها في توليد الطاقة
  • دراسة مصادر بديلة للمياة العذبة بعيدا عن الاعتماد على اثيوبيا وغيرها وفي نفس الوقت نصلح علاقتنا مع جيرانا الأفارقة
  • دراسة مصادر بديلة للمياة العذبة بعيدا عن الاعتماد على اثيوبيا وغيرها وفي نفس الوقت نصلح علاقتنا مع جيرانا الأفارقة
  • نقل بعض الوزارات السيادية لسيناء والصعيد
  • رعاية الباحثين والعلماء ماديا وتوفير كل السبل المشجع على الابتكار
  • تفعيل مؤسسات حماية المستهلك وضمان معايير الجودة التي تقدم للمواطن المصري
  • تعليق عضوية مصر في معاهدة عدم الانتشار النووي لحين توقيع إسرائيل عليها ‎
  • الإعتراف بدولة فلسطينية مستقلة على حدود 67
  • تجريم انتهاك خصوصية مستخدمي الانترنت في مصر
  • مفيش طالب يتخرج من مدرسة أو جامعة الا لما يقدم مشروع تخريج يفيد الوطن ‎
  • مشروع قومي بتكلفة ضخمة لتطبيق نماذج عملية من براءات الاختراع بالتعاون مع القطاع الخاص
  • تعديل اتفاقية تصدير الغاز ولو منفعش تتلغي خالص والغرامة اللي علينا تتدفع من الفلوس المنهوبة في الخارج
  • تخصيص مالا يقل عن 7% من ميزانية الدولة للبحث العلمي
_______________________________________________
  • ‏ تحقيق اهداف انقلاب 23يوليو من القضاء علي الاستعمار واعوانه الي اخر الاهداف
_______________________________________________
  • ‏ ف….خ كل الاعلاميين وهدوم ماسبيرو وهبنيه من اول وجديد
  • هحفر نيلين موازيين للنيل دا منهم واحد يفلق سينا نصين وواحد بعرض مصر يجيب الصحرا الشرقيه والغربيه اخضر ام البلد الصفرا دى
_______________________________________________
  • ‏ هلغي مجانية التعليم الجامعي
  • اخلي اولي اهتمامات الحكومة ارسال بعثات وتطوير البحث العلمي
  • هامنع الفن الهابط واقلل اجور الفنانين ولاعيبة الكورة
  • هاعمل مكتبة عامة فكل قرية ومركز ومدينة
  • هقضي علي التكاتك والمتوسيكلات الصيني والعشوائيات
  • هبني مصانع كتيير تستوعب العمالة المصرية
_______________________________________________
  • ‏ هحط كل واحد فمجالوا وهطبق العدل وههتم بالتعليم وهقوي اقتصاد البلد بالمشاريع القومية التي تعتمد علي الشباب وهسكن فشقة عادي
_______________________________________________
  • ‏ التعليم أولاااااااااااااا التعليم ثم التعليم ثم التعليم
_______________________________________________
  • ‏ لن يحز فى نفسى خروجكم على بل سيحز فى نفسى ان الظلم من صنع يدى
_______________________________________________
  • ‏ ما فكرتش في الموضوع ده بس اساس أي بلد في الدنيا تعليم،اقتصاد،صحة و كفاينا هنجمه..نجيب نظام نافع من بره جاهز و نطبقه بحزافيره
 _______________________________________________
  • هأكرس كل طاقات البلد لتنفيذ مشروع ممر التنمية اللى هيغير وجه مصر للأبد وهأمنع الإفتاء في توافه الأمور ‎
_______________________________________________
  • ‏ اهم حاجة ما ستعجلش النجاح , فالخطوات الواثقة البطيئة افضل من الهرجلة السريعة ‏لأن تغييرمسار لدولة محتاج ‏5سنوات على الاقل
_______________________________________________
  • ‏ هدم العشوائيات وتسكنهم فى مساكن الظباط اللى مش مسكونة..عدالة اجتماعية..تجميع اطفال الشوارع ووضعهم فى مكان لتئهلهم..رفع الاجر
_______________________________________________
  • ‏ هخلي اجر مدرس الابتدائي اعلي من مرتب وكيل وزارة وكل مدرسة هيكون فيها دكتور نفسي
_______________________________________________
  • ‏ هتعرفوا ان القذافي كان اينشتين جنبي وهتترحموا علي انجازات مبارك وديمقراطية عبد الناصر وثبات موقف السادات
  • هف….خ تامر امين ف…خة هيباتيا في عزازيل
_______________________________________________

bonti79

  •  منع زراعة الكانتلوب وزارعة القمح بدلاً منه الشعب ياكل الاول و بعدين نفكر فى التحلية ‎
  • منع استيراد جميع السلع الرديئة من الخارج , مش فاهم يعنى ايه نستورد مشابك غسيل من الصين
_______________________________________________

GAladdin Genio Aladdin

  •  I just have to work on #Education ! What we have now isn’t education …. it’s Tomato Sauce ! #EgyEducation
_______________________________________________
  • ‏ هيعن ناس في الاقسام يدوا الظباط بالقفا كل يوم عشان يتعملوا مع الشعب كويس
  • هخلي الشعب يفك زنقته علي بتوع احنا اسفين يا ريس
_______________________________________________
  • ‏ هقبض على عمرو مصطفى وتوفيق عكاشة للاخلال بـعقل المواطن المصري والاستخفاف بيه !
_______________________________________________
  • ‏ هنفى بتوع إحا آسفين يا ريس
  • هخلى الفلاجمان وزير الطيران
  • هاطلع رخصة لأختى الى كل مرة تسقط ف إمتحان السواقة
  • هخلى عمرو مصطفى و عكاشة يعملوا فيلم (: ..‏ الناس لازم تفرفش برضه شوية ‏‎:P‏
  • ههتم بالتعليم أكتر من كدا ،‏ لأن التعليم هو أساس كل حاجة و مصر محتاجة إهتمام أكتر من كدا ف التعليم ‏
  • ها أدى للصعيد حقوق أكتر (:
  • هعمل عقوبة ع الشرطى الى يضرب نار أو يمد إيده على شعبى لو عمل مظاهرات ..‏ و هتبقى العقوبة من ‏10‏ سنين لمؤبد (‏:‏ ‏
  • هلغى حاجة إسمها مخبرين ع النت يرقبوا المدونين و الناس دى (:
  •  هعمل تمثال لمبارك و العادلى علشان الناس تحدفهم بالطوب و الطماطم كل شوية ‎:D

_______________________________________________

  • ‏ هكتر من تواجد الشباب و فى نفس الوقت الناس الكبيره يبقوه مرجعيه خبراء لكن ميبقوش هما صناع القرار فى البلد لانى البلد تعبت منهم
_______________________________________________
  • ،أما بعد أيها الناس فإني قد وليت عليكم ولست بخيركم،فإن أحسنت فأعينوني،وإن أسأت فقوموني،الصدق أمانة،والكذب خيانة 1 ‎
  • ،والضعيف فيكم قوي عندي حتى أريح عليه حقه إن شاء الله،والقوى فيكم ضعيف حتى آخذ الحق منه إن شاء الله 2
  • ،لا يدع قوم الجهاد في سبيل الله إلا ضربهم الله بالذل،ولا تشيع الفاحشة في قوم قط إلا عمهم الله بالبلاء 3
  • ،أطيعوني ما أطعت الله ورسوله،فإذا عصيت الله ورسوله فلا طاعة لي عليكم 4 ‎
_______________________________________________
  • هطلق الحريات بكل أشكالها سواء تعبير أو أفكار أو معتقدات دينية أو صحافة، وهقفل معتقلاتك كلها يا مصر ومافيش مساجين رأي بعد كده
  • هسلحح الشرطة بأسلحة فاسدة عشان لما يضربوا شعبي حبيبي في المظاهرات هم اللي يموتوا .. أي خودعة
_______________________________________________
  • ‏ اعادة تاهيل للمساجين عشان لما يطلعوا مايطلعولناش مساجين صغايرين
_______________________________________________
  • ‏ هرجع تاني التين الشوكي ال7 بجنية وال8 بجنية
  • استقطاب كل الكفائات المصرية والقيادة ستكون للمثقفين والعلماء واصحاب العلم والاولوية للتعليم طبعا
_______________________________________________
  • ‏ حعمل كل حاجة اقدر عليها باخلاص و تفاني علشان اقدر الغي مادة الدستور اللي بتمنع تمديد المدة الرئاسية و حنفذ القسم بتع احمد زكي
_______________________________________________
  • ‏ التعليم ثم التعليم ثم التعليم و اخيرا التعليم
_______________________________________________
  • ‏ أمن الدوله يبقي جزء من المخابرات العسكريه و الشرطه تبقي قطاع في الجيش ووزارة الداخليه تتلغي
  •  مشروع قومي ضخم لتنمية و استغلال موارد الصعيد
  •  رقابه علي المدرسين داخل الفصول و مركزية المناهج و مركزية اختيار المعلم
  • توحيد سعر السلع الأساسيه في جميع المحال و الفنادق وحتي الباعه الجائلين،ازازه الميه بجنيه و نص في كل حته حتي لو طلبتها في مطعم
  • توحيد سعر السلع الأساسيه لمنع الاستغلال و التشجيع علي الانتاج ،ازازه الميه بجنيه و نص في كل حته ، عايز تكسب بيع جمبها أي حاجه
_______________________________________________
  • ‏ العمل على تفريغ العشوائيات عن طريق تعمير الصحراء بمشروعات متكامله زراعيه و صناعيه وتحلية مياه البحروتوليد الكهرباء من الرياح
_______________________________________________

WESOmania

  • ‏ اختبار نفسي لكل الوزراء و القيادات بكل قطاعات الدوله قبل التعيين ومع اعادته كل فتره لضمان الاتزان السلوكي والثبات الانفعالي
  • هاعيين دكاتره نفسيين في المدارس
  •  اعاده وجبه مدسيه لكل طفل في التعليم الابتدائي
  • ابداء فوراً في توفير الاموال لمشروع الطاقه النوويه السلميه
  • مشروع قومي لإعاده تنقيه المياه وتدويرها
  • رفع عقوبة التحرش الجنسي لمؤبد وعقوبه الاغتصاب الي اعدام بقرار سيادي
  • منع اقارب الوزراء حتي الدرجه الثالثه من العمل بالحكومه وكافة قطاعات الدوله
  •  تجريم عماله الاطفال اقل من ١٤ سنه
  •  إلغاء نسبة ال٥٠٪ عمال وفلاحين وش وقصر الترشح علي الحاصلين علي مؤهلات عليا
  •  تجريم زواج البنات والصبيان اقل من ١٨ سنه بمحاكمة من يشترك في تسهيله ومنع التسنيين وتجريم الزواج العرفي
  • اعداد لجنه عالميه لدراسه مشروع الدكتور فاروق الباز لاعمار الصحراء الغربيه
  •  استعمار سيناء واعادة اعمارها بكل انواع المشاريع الصناعيه والزراعيه ووضع حوافز لرجال الاعمال بالاعفاء التام من الضرائب
_______________________________________________
  • ‏ مكافاه 100 الف جنيه لكل متظاهر و50 الف جنيه لكل مدون بيكتب لمصلحه البلد
_______________________________________________
  • ‏ احاول اخلى مصر تصنع حاجه مبدل محنا بنستورد كل حاجة
_______________________________________________
  • ‏ هدى التعليم والصحه والبحث العلمى الاهتمام المطلوب علشان نتقدم
  • ههتم بتحقيق العداله على كل فاسد وظالم لان العدل اساس الملك
  • ههتم بالديموقراطيه والحريات العامه والسياسيه لانها فى رأيي من اهم عوامل التقدم
  • ههتم ب3 مشاريع مهمه هى مشروع زويل العلمى وممشروع لبرادعى السياسى ومشروع فاروق الباز الاقتصادى
  • اعدل اتفاقيه كامب ديفيد وازود القوات على الحدود
_______________________________________________
  • ‏ اول حاجة اعلم الاخلاق و النظافة في كل بيت فيكي مصر
_______________________________________________
  • ‏ منع انتاج شاي بالياسمين أو حتي جالبوا من الخارج
_______________________________________________
  • ‏ انا لو بقيت رئيسة لمصر اول حاجه هاعملها هاتعاقد مع شركة تدوير القمامه وشركة تلمها من الشوارع وهافعل عقوبة القاء القمامة
  • لازم يكون في قانون في الاسكان مينفعش 10 افراد في اوضه لازم اوفر للناس مناخ صحي يعيشو فيه .. وكذلك الاهتمام بالاطفال ورعايتهم
  • استقلال الاعلام والازهر والقضاء … ويكون في قضاء خاص بالشئون الاجتماعيه لأخوتنا الاقباط يهتم بالفصل في قضاياهم التي تحتكم لشرائعهم
  • المؤسسة العسكرية لا علاقة لها بالشئون الداخليه للبلاد
  • طموحي وحلمي القضاء على كل العشوائيات و الجهل وقلت الوعي في خلال ال 4 سنين القادمة

One thought on “هاتعمل ايه لو بقيت رئيس الجمهورية؟؟ سؤال للمغردين”

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s