تأسيسية الدستور … كفن المصريين

مثلما كانت الانتخابات المصرية المسمار الاخير في نعش الثورة بعدما قبلنا بها تحت حكم العسكر … سواء كانت انتخابات مجلس الشعب او الرئاسة … وبالاخص الرئاسة التي تمت دون تطبيق قانون العزل على واحد من ضلوع النظام الذي قامت تلك المرحومة “الثورة” من أجل إسقاطه

معلش انا بتخنق بسرعه مش هقعد اكتب كلام نحوي كتير .. بصوا انا جبت اخري من النشطاء ع النخبة ع البطيخ .. ايه الي بيحصل ده؟ لبسنا خازوق مغري اسمه شفيق عشان سمحنا لانتخابات تقام بدون تطبيق قانون العزل ودلوقت شغالين احتجاجات !!

جاتلنا فرصه ذهبية خرجت مصر كلها عن بكرة ابيها ورا 3 المفروض انهم رموز الثورة والنضال والجهاد فضحونا وكل واحد طالع يقول لا انا مقولتش انا ماليش دعوة لا مفيش مجلس رئاسي A7A احنا في ثورة ,,, احلف لكم ع مصحف احنا في ثورة

معلون ابو الرئيس القادم … بس مش هنلبس خازوق سليمان الحلبي بدستور محشي كرنب … مين أم أيمن ؟؟؟ ام ايمن مين دي الي هتبقى في تأسيسية الدستور هي و 5 من نفس نوعها كده هي ستات مصر المفكرات والعالمات اتعدموا يا بقر ؟؟؟

مصر الي فيها ستات اكتر من الرجاله يبقى تأسيسة الدستور بتاعها فيها 6 ستات وياريتهم عدلين دول كسر

ومين بقيت التأسيسة !! جماعه الاخوان المسلمين والتكفير والهجرة والجماعه الاسلامية !!! فين العلماء والادباء والدبلوماسين والسياسين الي بيفهموا والفنانين والشباب والنساء والاطفال والاقباط واللادينين والمعاقين والفلاحين واهل النوبة وسيناء والسلوم … فين هه!! فين حد يرد عليا عشان متجننش

هنقبل ب دستور تحت حكم العسكر .. عشان نخلص منه .. لا مش هنخلص دحنا لبسنا ولبسنا طرح بترتر رجاله وستات

بصوا دي تدوينة من قرفي من الي بيحصل … بجد خساره البلد دي خساره في جتتكم لا متعلم عارف قيمتها ولا جاهل عايز يدور على حقة فيها … انا مش هحمل المسؤليه على المتعلمين بس لا المسؤليه ع الكل مهو العلام مش في المدارس بس مهو الي مش متعلم برضو عنده عقل وعايش في وسطنا مهواش محطوط في قفص … فوقوا بقى الله البلد بتضيع

هقولكم في دم عايزين حقه لا انسوا الدم وانسوا الشهدا وانسوا الي حاجه حصلت في السنه ونص

انا عايزة دستور محترم يعبر عن كل أطياف الشعب

عايزة عيش وحرية وعدالة اجتماعية وكرامة انسانية

عايزة حقي في ام البلد دي الله يحرقكوا

خنقتوني
خنقتوني
القائمة المقترحة بترشيح الجميعة التأسيسة 1
القائمة المقترحة بترشيح الجميعة التأسيسة 2
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s