بتموتوا ليه؟

ليه؟ بتموتوا ليه؟ نزلتوا في ذكرى محمد محمود عشان تموتوا تاني ؟؟ ليـــــــــــــــه ؟ مين يستحق دمكم ؟ منتوا عشيتوا وشوفتوا دم الي قبلكم نسيوه الناس وكل يوم بيخطوا عليه وبكره دمكم هيتنسى وينزل شوية زيكم يدافع عن دمكم يرجعوا بدم 😦

مش كفايه كده حرقة قلب… حرقه قلب اهاليكم أصل أوعوا تفتكروا ان حد من الشعب ده بيحس بيكم ولا حد هيخبط على باب بيتكم يخد امك في حضنه زي ما كنت بتاخدها في حضنك

عايز تنزل يبقى تنزل الشعب كله معاك صحيهم من سكوتهم وخضوعهم ونزلهم من بيوتهم إنما تنزل لوحدك ليه؟ عشان حق الي مات .. تصدق ب ايه في ناس من الي ماتت اهاليها استعوضت ربنا فيهم وحياتهم ماشيه مفيش غير أمهاتهم وأمك الي مش هتنساك وهتعيش بحرقة قلبها

أنا مش بهد عزيمة حد بس الي بيحصل ده حرام الي حصل في “محمد محمود” حرام جابر يموت حرام خساره كل نفطه دم نزلت في ناس متستاهلش خساره فيا وفيك يالي قاعد بتقرا وبتتصعب ويالي مش فارق معاك أيوة خساره

أحنا ضيعنا كل حاجه كل واحد جري ورا مصلحته كان بيدق نعوشكم ب ايده لو هتكلم هتكلم كتير بس بجد مش قادرة كل الي بقوله ليكم بتموتوا ليه؟ كفايه احنا منستهلش دمكم يا عيال والله مانستاهل 😦

جابر صلاح
Advertisements

One thought on “بتموتوا ليه؟”

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s