أرشيف الأوسمة: اسكندرية

مطلوب زعيم

اليوم الموافق 25 يناير 2013

أكتب من هنا من نفس المكان الذي لازلت باقية فيه منذ عامين … أكتب لتلك الثورة التي كانت ولازالت حلم لم يتحقق

استمر في القراءة مطلوب زعيم

هاتعمل ايه لو بقيت رئيس الجمهورية؟؟ سؤال للمغردين

#ImEgPresident‏ سؤال طرحته على مستخدمي تويتر .. هاتعمل ايه لو بقيت رئيس الجمهورية .؟؟؟  ايه طموحك لمصر ؟ وايه خطتك ل اربع سنين جايه ؟

‎‏ حخلى التعليم استسمارى والمدارس ليها ميزانيات مستقله استثماريه – والدوله تدفع مصاريف المواطنين ليها
_______________________________________________
  • ‏ أول قرار حآخده إعدام حسنى مبارك وأولاده وزوجته والعادلى وجميع مساعدية المتورطين فى قتل وإصابة الثوار و حقيل شرف إقالة غير مشرفة
هاتعمل ايه لو بقيت رئيس الجمهورية؟؟ سؤال للمغردين
  • و طبعا حبس جميع وزراء حكومة نظيف مدى الحياة .. أما طموحى لمصر فهو إنها تكون أعظم دولة فى العالم إجتماعيا و ثقافيا و سياسيا
  •  حنضف الشوارع وحسفلت جميع الشوارع وحرجع رصيف كورنيش اسكندرية اللى اتسرق زى زمان وحهتم بالصرف و حلغى البلاعات و أعمل مصارف جانبية
  •  حعمل سوق مخصوص لكل حى عشان أحل مشكلة الباعة الجائلين و حدى لكل واحد كشك فى السوق .. حجدد الأتوبيسات و أعمل محطات حقيقية
  •  حعمل نظام خاص للتكسيات اللى بقت تستعبط .. التاكسى اللى مش حيقف للى يشاور حيتجاب واللى مش حيقبل بالمشوار حيتسحب منه التاكسى
  •  و حعمل حد أقصى و حد أدنى للأجرة حسب مساحة المحافظة و طبعا الأجرة حتكون محدده يعنى كل كيلو بنص جنيه و حرخّص تمن البنزين
  • حرجع ترام اسكندرية القديم وحرجع الأجرة بربع جنيه .. حلغى كل النوادى اللى على البحر و حعمل شواطئ نضيفة و حهد نادى القوات المسلحة
  •  حعمر سيناء شبر شبر وحعمل مدن سكنية جديدة وحهتم بالصعيد.. جنوّر كل حته فى مصر والميه مش حتقطع تانى.. أهل النوبه حيبقو مصريين بجد
  •  فيه مليون ألف حاجه نفسى أعملها لو قعدت أكتب مش حخلص … نفسى مصر تبقى مصر بجد
  •  حجدد القطر و حعمله اكسبريس عشان اللى عايز يروح أسوان يوصل فى 4 ساعات و حوصل خط القطر لكل حته فى مصر و التذكرة حتبقى بـ 20 جنيه
  • حنفذ مشروع ممر التنمية و حيبقى لكل مصرى فيه سهم أو عشرين عشان يبقى مشروع قومى و نتجمع كلنا على خير بلدنا
  • حنقل الناس الساكنه فالعشوائيات للمدن الجديدة وأعمر بيهم المناطق اللى كانت مهجورة.. وحهد العشوائيات وأبنى مكانها مدارس ومستشفيات
  • حفتح قصر المنتزة للزيارة تانى و كمان قاعة الأفراح اللى كانت فيه تانى .. حعمل التذكرة فى المنتزة بجنيه و حجددها من جوه
  • حعمل فى المنتزة ملاهى صغيرة و تأخير عجل و أكشاك سندويتشات وحلويات و عوامات وجيت سكى فى البحر و بانانا لأنها بجد غير مستغله خالص
  •  و طبعا الحاجات دى كلها حيبقى عليها رقابة فى الأسعار عشان تبقى حاجه رمزية للناس و اللى عايز يشم هوا من غير خنقة الفلوس
  •  ده غير أكيد الأسعار اللى حتقل للتلات أربع و اللحمه الكيلو حيبقى بـ20 جنيه و الفراخ الكيلو بـ7 جنيه
  • حقيل كل بتوع الداخلية و حدخل بتوع الحقوق من الدفعات اللى فاتت و حغير المناهج فى الأكاديمية وحسميها أكاديمية الشرطة لحماية الشعب
  • مفيش حاجه اسمها صاحب مكتب معفن يشغل عنده 20 واحد يدى كل واحد 200 جنيه فى الشهر و يمص دمهم بملاليم استمر في القراءة هاتعمل ايه لو بقيت رئيس الجمهورية؟؟ سؤال للمغردين

أترضاه لدينك !!!!!!!!!!؟

مبدئيا لن ادعي التدين او الالتزام … ولكني أغار على ديني … فالكمال لله وحده ولن أزايد على أحد ولا اريد ان أحدا يزايد علي

فما سأطرحة هو شيئ غير مقبول بالنسبة لى .. مع العلم بأن فاعل هذه الفعله يريد منها الخير والنصح .. فإذا قبلنا بذلك .. مع أنني أعلم أنه لن يكون مقبول عند الكثييرين أن يحاول أحدا أن يقدم النصح بهذه الطريقة .. ولكنى سأتخذ موقف من يقبل النصح ، ولكن .. هل تكون هذه الطريقة التي نحث بها الافراد على اتقاء الله … هل يصلح أن تكتب آيات القران الكريم الذي أمرنا الله تعالى “لا يَمَسُّهُ إِلا الْمُطَهَّرُونَ” .. هل من كتب تلك الايات على الصخور على شاطيء الاسكندرية .. فكر ولو للحظة انها عرضه ان يقضي عليها الحيوانات حاجتهم .. او ان يقوم أحد الاشخاص الذين هم مريضو النفس بفعل ذلك ؟؟ أو ان يجلس أحدا في الليل على تلك الصخور دون ان يرى ما هو مكتوب عليها أو يمر أحد المارة بحذاءه فوقها  .. أو أو أو … كل ذلك أثار غيرتي على كلمات الله … يوجد الكثير من الاماكن الاخرى الي كان  يمكن ان يكتب عليها من يريد النصح  تلك الايات الكريمه ” إذا أقترضنا أنه وجب عليه ان يكتب ذلك ” والسؤال الاخر .. هل من يريد ان يغضب الله سيمنعه ذلك من ارتكاب المعصيه .. وإذا لم يفعلها في الشارع هل تضمن انه لن يفعلها في مكان آخر !!؟

أنا لست ضد النصح .. ولكني ضد ان أرى كلمات ربي تهان بهذه الطريقه … أرجو أن يتفهم كل من يقرأ ذلك الموضوع ما أريد ان اطرحه .. وارجو ان تتقبلو عتابي وغيرتي على ديني استمر في القراءة أترضاه لدينك !!!!!!!!!!؟

متيجو نداوي جراح مصر

يمكن ربنا حرمه من نور عين من عنيه .. لكن ترك له التانيه عشان يشوف بيها مصر وهي بتتغير للآفضل

حسه بصوت جوايا بصرخ .. صوت كل واحد اتظلم واتقتل واتسحل وضاع حقه وانتحرت احلامه في البلد … شاغلين نفسنا كلنا بأننا نحط مسمى للبلد .. بتسمو ايه ؟ بتسمو طفل وليد هزيل مريض ..؟ مش نعالجه الاول وبعدين نهتم بالاسم الي هايستمى بيه .. مليون خناقه كل يوم عايزنها مدنية لا علمانيه لا اسلاميه … طب انا عايزها مصريه .. عايزاها دولة عدل .. دولة ترد حق كل واحد اتهتك حقه في البلد .. دولة الغلبان فيها ليه حق زيه زي الكبير .. المريض يلاقي علاج بكرامه من غير ما يتزل في مستشفيات الحكومة .. الي اعتقل ظلم يطالب بحقه في دولة قانون عادل ويرجعله حق .. حالات الاختفاء القسري يتعرف هما فين والي مذنب يتحاكم محاكمة عادلة والمظلوم يترد له حقه ويرجع مرفوع الراس .. الي اتظلم في تعينه في وظيفه عشان ابن فلان بيه .. يعرف يرفع قضيه وياخد مكانه .. الي تعب وكد وشقى واتنهب حقه حقه يرجعله .. حاجات كتير قوي ولو قعدت اعددها محتاجه سنين … انا نفسي نهتم بالحق اكتر من اهتمامنا بالمسميات .. نشتغل على ده بشكل حقيقي مش مجرد كلام وندوات … ده مطلوب اكيد لكن لازم نشتغل على التوازي مش كله ماشي في خط سير واحد .. لو عددنا عدد النشطاء والمثقفين الي ليهم دور في البلد هانلاقيهم كتير قووي .. محتاجين نشنغل بجد .. محتاجين ندور على حق سيد بلال .. وندور على رضا هلال اختفي فين من 7 سنين ..  نشوف حق مصابين الثورة والشهداء ونقف جنبهم لحد ما يحصلو على محاكمات عادلة تنصفهم وتكون رادع حقيقي للي يفكر يمس كرامه وحياه اي مصري .. وندور على كل واحد حقه ضايع .. منستنهوش لما يجي يطلب مننا لان هو طلب كتير ومحدش وقف جنبه .. جه الوقت الي احنا نتحرك فيه بجد عشان الناس دي وغيرهم الالاف احنا معرفش عنهم حاجه بس لازم كلنا ندور عليهم ..  عايزين نتصدى للبلطجة .. الي منهم ناس كتير غلابه مأجورين لان ده اكل عيشهم .. الي ينصلح منهم يتعمل مراكز اعادة تأهيل وناس دي تتعلم وتتغير وتلاقي عيشه كريمه ومصدر رزق شريف .. والي منهم مش هاينصلح يتحاكم محاكمه عادله ويتسجن في سجن يخرج منه حاله عدل مش اكتر بلطجة .. صدقوني دي الثورة الحقيقة .. اسقاط رموز نظام فاسد صعبه لكن الاصعب والاهم منها هو محاربه الفساد الي موجود تحت جلد البلد ومش هانقدر نستأصله لكن نقدر نعالجه

ما استحق أن يولد من عاش لنفسه فقط .. الثورة مش هاتنجح بيوم وليله ومش هاتنجح بالمظاهرات والاعتصامات بس .. هي وسيله ضغط على المسؤليين .. لكن المشكله مش في المسؤليين بس المشكله فينا احنا كمان .. متيجو نحاول نداوي جروح مصر ؟

يوم من ايام الحرية 27 مايو

وطبعا ولأن أكونت الفيسبوك بتاعي جاله صدمه ومش بعرف ادخل عليه 

فقولت مدونتي أولى بيا في هذا الحدث  

ربنا ينصركم ياولاد

يوم من أيام الحرية … 27 مايو استمر في القراءة يوم من ايام الحرية 27 مايو

يحيا العدل … القبض على السفاح وائل الكومي

المصدر : موقع حقوق

علم حقوق دوت كوم أنه قد تم إلقاء القبض علي  وائل الكومى رئيس مباحث رمل ثاني أثناء محاولته الهروب عن طريق مطار الإسكندريه   والذى قام بقتل ما يقرب من 37 شهيد -على حسب أقوال الأهالى فى البلاغات المقدمة ضدة – من أبناء الدائرة

السفاح قاتل الابرياء وائل الكومي
السفاح قاتل الابرياء وائل الكومي

وكان أسر الشهداء تعهدوا بعدم عودة ضباط الشرطة للعمل فى قسم الرمل ثان مرة أخرى حتى يتم محاكمة  المتورطين فى قتل الشهداء وعلى رأسهم الكومى

 

– ومن جهه أخرى ترددت أنباء عن  حبس رجل الأعمال الشهير محمد أبو العنين واللواء عادل لبيب محافظ الإسكندريه  15 يوم على ذمة التحقيقات لإستخدام الأول  نفوذه فى الحصول على قطعة أرض بمنطقة الشلالات بسعر  أقل من ثمنها الحقيقى وإقامة معرض للسيراميك  عليها وأن هذه المنطقة آثريه والتى تقع بداية من مبنى أمن الدولة وأرض الخيالة وصولاً لمبنى المسرح الرومانى يوجد مدينة أثرية تحتها وكان قد أعترض المتخصصين على بناء أى منشأه هناك وقيام الثاني بأستخدام سلطته تسهيل عمليه البيع له

 

– الجدير بالذكر  أنه تم إكتشاف معبد أثرى فى هذه المنطقة ولكن تم البناء عليه دون الأخذ فى الإعتبار القيمة الأثرية للمنطقة

وكان  أهالي الأسكندريه  قد تجمهروا امام نيابه الأسكندريه لمشاهده اللواء عادل لبيب محافظ الأسكندريه السابق وهو يخرج من سرايا النيابه بعد أن تم التحقيق معه