أرشيف الأوسمة: نوارة نجم

نوارة نجم … اللي حصل يوم 6 مارس

المصدر: مدونة تهييس

حابتدي من ليلة ستة مارس، يعني خمسة مارس بالليل، الشباب راحوا عند لاظوغلي عشان قالوا الحاجات بتتحرق هناك

نوارة نجم
نوارة نجم

استنوا شوية وبعدين مالك قال ان جه شيخ سلفي بعربية فاخرة لم كل السلفيين وقال لهم توكلوا على الله فما فضلش غير بتاع اربعين واحد فقرروا يروحوا تاني يوم

جيت صحيت لقيت مالك بيتصل بيا وبيقول لي احنا رايحين فيه ناس قابلتني وقالت لي الحاجة بتتحرق جوة وفيه صوت تكسير، فقلت له انا جاية وكتبت على التويتر قلت لهم احنا رايحين عند لاظوغلي

رحنا العدد في الاول كان بسيط وفضل يتزايد شوية بشوية. انا شخصيا ما حسيتش ان الجيش ممانع اننا ندخل، بس كان محتاج عدد اكتر عشان يحس بالضغط، لما العدد زاد دخل بتاع عشرة كده وخرجوا قالوا لنا مافيش حاجة، بصراحة ما صدقناش، لان اللي دخلوا دول دخلوا في غفلة منا ومش احنا اللي اخترناهم

كان فيه بقى بتاع خمس عيال كده من الاول مش مظبوطين، منهم اتنين مميزين قوي، واد عمالة ابص في وشه واقول: سبحان الله، يخلق من الشبه اربعين، الواد ده شكل ظابط امن مركزي كنا بنشوفه في الاربع ايام الاولانية، ومعاه واد صايع كده، شكله مخبر، وكان فيه مخبر تاني اتعرف عليه مالك، كان لابس ازرق، وقف شوية كتير كده، وبعدين خرج استمر في القراءة نوارة نجم … اللي حصل يوم 6 مارس

Advertisements