أرشيف الأوسمة: Egypt

عندما تتحول الصهيونية إلى نكتة … دكتور عبد الوهاب المسيري

أعرف عدوك ... لوحة كاريكاتير للشهيد الفنان ناجي العلي
أعرف عدوك … لوحة كاريكاتير للشهيد الفنان ناجي العلي

الصهيونية في جوهرها هي حركة لتخليص أوروبا من الفائض البشري اليهودي (Jewish surplus عن طريق نقله من أوروبا وتوطينه في أية منطقة خارجها، وقد استقر الرأي على أن تكون فلسطين هي هذه المنطقة نظراً لأهميتها الإستراتيجية، وارتباطها في الوجدان الغربي باليهود.

استمر في القراءة عندما تتحول الصهيونية إلى نكتة … دكتور عبد الوهاب المسيري

دعاء من السنه النبويه

Al-Madinah  |  المنورة

الدعاء من السنــــة النبوية المطهرة

1 -“اللهم آتنا في الدنيا حسنةً، وفي الآخرة حسنةً، وقنا عذاب النار”. رواه البخاري ومسلم.

2- اللهم أكثر مالي، وولدي، وبارك لي فيما أعطيتني” (يدل عليه دعاء النبي صلى الله عليه وسلم لأنس “اللهم أكثر ماله، وولده وبارك له فيما أعطيته) البخاري. [وأطل حياتي على طاعتك وأحسن عملي] واغفر لي”. البخاري في الأدب المفرد برقم 653 في سلسلة الأحاديث الصحيحة برقم 2241، وفي صحيح الأدب المفرد ص 244، وما بين المعكوفين يدل عليه قوله صلى الله عليه وسلم عندما سئل: من خير الناس؟ فقال: “من طال عمره وحسن عمله” الترمذي وأحسن. استمر في القراءة دعاء من السنه النبويه

حد فـــــــــــــاكر؟؟

محمد سعد ترك طالب كلية طب الاسنان المخطوف من امن الدولة من شهر 7 سنة 2009 وحتى الان غير معروف مصيره
محمد صلاح: اتخانق مع أمين شرطة لأنه ركب معاه التكتك وكان عايز ميدفعش الأجرة .. استدرجه أمين الشرطة للقسم وعملوله حفلة ضرب وتعذيب انتهت بوقوعه من الدور التالت في القسم .. محمد أصيب بكسور في كل جسده ونزيف داخلي واشتباه ارتجاج في المخ .. المجرم اللي ضرب محمد أفرج عنه وأمه ست غلبانة بيتم تهديدها يوميا بتلفيق قضية مخدرات لابنها لو متنازلتش.. محمد اتحقق معاه في المستشفى بدون وجود المحامي بتاعه وفي حضور المخبرين اللي ضربوه!
سمية أشرف ... الفتاه التي أعتدى عليها ضابط حرس الجامعة بالضرب 2010
اسمي: مصطفى عطية، كان عندي 39 سنة.. اتسحلت في شوارع اسكندرية لغاية ما خسرت أغلى ما أملك وهو حياتي .. ولادي تلاته، آسر 4 سنوات. وحنين سنتين. وسما سنة واحدة. الّي شافوني وانا بتسحل شهود محبوسين في قسم شرطة مينا البصل لاجبارهم على تغيير شهادتهم بالاكراه. المخبرين والمباحث مانعه الحقيقة من الظهور.. مانعين اهلي والناس عن جثتي. محاصرين المشرحة. دمي في رقبتكم يا مصريين. يا مصريين
أحمد شعبان .. استشهد على إيد مجرمين من جزارة الداخلية.. قتلوه الجبناء بدم بارد ورموا جثته في ترعة المحمودية .. لازم منسكتش ولازم نتحرك وننظم نفسنا ونفهمهم .. جلادي قسم سيدي جابر لازم يقفوا عند حدهم .. ده شاب عمره ١٩ سنة يا من فقدوا الاحساس بالانسانية يا أصحاب الضمير الميت .. لازم ننظم وقفة وننزل كلنا ونتحرك .. لازم بجد منسكتش
الشهيد السيد بلال مع ابنه ... ايه الجريمة اللي ارتكبها عشان يتصعق بالكهرباء من أعضاؤه التناسلية أثناء التحقيق معاه لحد ما يجيله هبوط حاد في الدورة الدموية ويموت؟ .. والله اللي حصل ده مينفعش يتسكت عليه ولازم كل مصري وطني شريف يتحرك لأن سيد ده واحد مصري له نفس الحقوق اللي كلنا بنطالب بيها
!! حكم على قتلت خالد سعيد بالسجن المشدد 7 سنوات

 ملحوظة أغلب الصور والمعلومات من أرشيف صفحة كلنا خالد سعيد

من س 28 .. ل أمن الدولة العليا طوارىء

اتهام المتهمين عن كل احداث العنف من تاريخ 31مايو 2011 حتى 9 سبتمبر 2011

التجمهر واخرين بغرض ارتكاب جرائم الاعتداء على السلطة العامة ومقاومتهم بالعنف واتلاف وتخريب الممتلكات العامة حال حملهم اسلحة
استعملوا واخرين مجهولون القوة والعنتف مع موظفيين عموميين واشخاص بخدمة عامة لمنعهم عن اداء عملهم بمديرية امن الجيزة والسفارات المجاورة
حاولوا واخرين احتلال مبنى مديرية امن الجيزة بالقوة بقصد السيطرة عليه
خربوا واخرين مجهولون عمدا املاكا عامة ووضع النار فى مبان مسكونة وكذلك ليست مسكونة
اتلفوا واخرين منشات معدة للنفع العام واضرموا النيران فى عدد من المركبات وكان ذلك تنفيذا لغرض ارهابى
اتلفوا واخرين مقر البعثة الدبلوماسية للملكة العربية السعودية وذلك تنفيذا لغرض ارهابى
حيازة اسلحة وادوات تؤدى الى الموت اخر اتهام
كانت هذه الاتهامات الموجهة ل76متهم فى أحداث السفارة بالاضافة فى القضية رقم 130 لسنة 2011 حصر امن دولة عليا طوارىء
 الاتهامات خطيرة والمحكمة اخطر باعتبارها محكمة امن دولة طوارىء احكامها لاتقبل الطعن بالنقض والقضية تم احالتها بقرار سياسى ، نيابة امن الدولة العليا طوارىء وضعت نصوص قانون العقوبات المغلظة لادانة المتهمين، ولذلك دى من اخطر القضايا التى سيتم نظرها الفترة القادمة عدد المتهمين 76 وضع اسم عمر عفيفى فى اخر لحظة ؟؟ من التحقيقات
 نقلا عن صفحة الناشط الحقوقي والمحامي محمد عبد العزيز
.
انا مش هضيف كتير على الكلام الي مكتوب فوق … بس بجد الموقف بقى خطر جدا وكلنا كنا ممكن نكون مكان الشباب دول … متستبعدش أي حاجه تحصلك في ظل غياب دولة العدل والقانون …
كل الي برجوه تضامنو مع الشباب دول لان مش بس مستقبلهم هيضيع ممكن كمان عمرهم كله يضيع
 أحمد عبد الكريم … السلطان الثائر …. أحد المتهمين في قضية السفاره والي ممكن عمره ومستقبله يضيع لو سبناه هو والي معاه من غير ما نقف جنبهم ونرفع عنهم الظلم

الحـــــــــــــــــــــــرية لمصــــــــــــــــــــــــــــــــر  

مجموعه من الشباب الثوري المصري المتهم ف أحداث السفاره
مجموعه من الشباب الثوريين ومنهم صديقنا الشاعر الجميل أحمد عبد الكريم
لا للظلم .... لا للمحاكمات العسكرية للمدنين

امتى هانحس بالتغير الي حلمنا بيه …؟ سؤال للمغردين

ده سؤال سألته على تويتر ولاقيت ردود واجابات كتير حسيت انها تستحق انها تتعمل تدوينه  امتى هانحس بالتغير الي حلمنا بيه …؟ حد عنده إجابه   .. وانا كمان عندي ردود هاقولها في الاخر #Change #Egypt #Tahri

Dimooss Ahmed Dimos
 عندما يعدم مبارك والعدلى واعوانه كلهم ولما نجيب حق خالد سعيد وباقى الشهداء حنحس بالتغير والامان
امتى هانحس بالتغير الي حلمنا بيه …؟ سؤال للمغردين
___________________________________
ZGL19 Ahmed zaghloul
لما الشعب يبقى عاوز يغير بقى بجد مشيشيل رئيس وخلاص ولما نبقى ايد واحدة
___________________________________
Free_wood Ahmed FreeWood

 على الاقل لما حد ياخد عقوبه نهائيه .. زى الاعدام .. ولما المجلس العسكرى يغور من وشنا
___________________________________
dido_1212 Egyptia fighte

لو كان هناك سلة مهملات كبيرة لتستوعب الكمية الهائلة من حثالة البشر
___________________________________
mahmoud_mradwan mahmoud radwan

 مش حنحس الا بتطهير القضاء والداخلية وسن تشريعات لتفعيل دور رقابة الجهاز المركزي للمحاسبات والرقابة الادارية
___________________________________
a7maadbadr ahmed badr

 لما اشوف الفرحة فى عيون اولاد الشهداء …لان اهاليهم ماتوا عشان مستقبل افضل لاولادهم استمر في القراءة امتى هانحس بالتغير الي حلمنا بيه …؟ سؤال للمغردين

متيجو نداوي جراح مصر

يمكن ربنا حرمه من نور عين من عنيه .. لكن ترك له التانيه عشان يشوف بيها مصر وهي بتتغير للآفضل

حسه بصوت جوايا بصرخ .. صوت كل واحد اتظلم واتقتل واتسحل وضاع حقه وانتحرت احلامه في البلد … شاغلين نفسنا كلنا بأننا نحط مسمى للبلد .. بتسمو ايه ؟ بتسمو طفل وليد هزيل مريض ..؟ مش نعالجه الاول وبعدين نهتم بالاسم الي هايستمى بيه .. مليون خناقه كل يوم عايزنها مدنية لا علمانيه لا اسلاميه … طب انا عايزها مصريه .. عايزاها دولة عدل .. دولة ترد حق كل واحد اتهتك حقه في البلد .. دولة الغلبان فيها ليه حق زيه زي الكبير .. المريض يلاقي علاج بكرامه من غير ما يتزل في مستشفيات الحكومة .. الي اعتقل ظلم يطالب بحقه في دولة قانون عادل ويرجعله حق .. حالات الاختفاء القسري يتعرف هما فين والي مذنب يتحاكم محاكمة عادلة والمظلوم يترد له حقه ويرجع مرفوع الراس .. الي اتظلم في تعينه في وظيفه عشان ابن فلان بيه .. يعرف يرفع قضيه وياخد مكانه .. الي تعب وكد وشقى واتنهب حقه حقه يرجعله .. حاجات كتير قوي ولو قعدت اعددها محتاجه سنين … انا نفسي نهتم بالحق اكتر من اهتمامنا بالمسميات .. نشتغل على ده بشكل حقيقي مش مجرد كلام وندوات … ده مطلوب اكيد لكن لازم نشتغل على التوازي مش كله ماشي في خط سير واحد .. لو عددنا عدد النشطاء والمثقفين الي ليهم دور في البلد هانلاقيهم كتير قووي .. محتاجين نشنغل بجد .. محتاجين ندور على حق سيد بلال .. وندور على رضا هلال اختفي فين من 7 سنين ..  نشوف حق مصابين الثورة والشهداء ونقف جنبهم لحد ما يحصلو على محاكمات عادلة تنصفهم وتكون رادع حقيقي للي يفكر يمس كرامه وحياه اي مصري .. وندور على كل واحد حقه ضايع .. منستنهوش لما يجي يطلب مننا لان هو طلب كتير ومحدش وقف جنبه .. جه الوقت الي احنا نتحرك فيه بجد عشان الناس دي وغيرهم الالاف احنا معرفش عنهم حاجه بس لازم كلنا ندور عليهم ..  عايزين نتصدى للبلطجة .. الي منهم ناس كتير غلابه مأجورين لان ده اكل عيشهم .. الي ينصلح منهم يتعمل مراكز اعادة تأهيل وناس دي تتعلم وتتغير وتلاقي عيشه كريمه ومصدر رزق شريف .. والي منهم مش هاينصلح يتحاكم محاكمه عادله ويتسجن في سجن يخرج منه حاله عدل مش اكتر بلطجة .. صدقوني دي الثورة الحقيقة .. اسقاط رموز نظام فاسد صعبه لكن الاصعب والاهم منها هو محاربه الفساد الي موجود تحت جلد البلد ومش هانقدر نستأصله لكن نقدر نعالجه

ما استحق أن يولد من عاش لنفسه فقط .. الثورة مش هاتنجح بيوم وليله ومش هاتنجح بالمظاهرات والاعتصامات بس .. هي وسيله ضغط على المسؤليين .. لكن المشكله مش في المسؤليين بس المشكله فينا احنا كمان .. متيجو نحاول نداوي جروح مصر ؟

يوم من ايام الحرية 27 مايو

وطبعا ولأن أكونت الفيسبوك بتاعي جاله صدمه ومش بعرف ادخل عليه 

فقولت مدونتي أولى بيا في هذا الحدث  

ربنا ينصركم ياولاد

يوم من أيام الحرية … 27 مايو استمر في القراءة يوم من ايام الحرية 27 مايو